У мінскім метро інвалід зваліўся з платформы
Здарэнне адбылося ў чацвер каля 16-й гадзіны на станцыі "Партызанская" другой лініі.
46-гадовы мужчына, інвалід другой групы, раптоўна зваліўся на пуці. На шчасце, яму своечасова дапамаглі пасажыры разам з работнікамі метрапалітэна. Мужчыну агледзелі медыкі, высветлілася, што ён не пацярпеў і ад шпіталізацыі адмовіўся.
Як адзначае БЕЛТА, графік руху цягнікоў метро ў выніку здарэння не быў парушаны.
Фота — ria.ru
