У мінскае метро не прапусцілі пасажыра з... шабляй (фота)
![У мінскае метро не прапусцілі пасажыра з... шабляй (фота)](/sites/default/files/styles/gallery_main/public/2023-08/000193_331907_big.jpg.webp?itok=1yWqfhQ9)
У мінскае метро не прапусцілі пасажыра з... шабляй. Мужчына спрабаваў прайсці на платформу станцыі "Плошча Леніна". Шабля была ў ножнах. Служба бяспекі заўважыла "падазроны прадмет" і спыніла пасажыра.
Цяпер шаблю даследуюць эксперты-крыміналісты. Яны мусяць высветліць, ці не з'яўляецца яна халоднай зброяй, калі была вырабленая. Папярэдне эксперты кажуць, што прадмет падобны на кавалерыйскую салдацкую шаблю ўзору 1827 года, інфармуе агенцтва "Мінск-навіны".
Дарэчы, высветлілася, што згаданы мужчына займаецца рэстаўрацыяй прадметаў даўніны. Шабля, якая трапіла да экспертаў, можа каштаваць некалькі тысяч долараў.
![У мінскае метро не прапусцілі пасажыра з... шабляй (фота)](/sites/default/files/paragraphs/image/img2054-copy.jpg)
Фота ўпраўлення Дзяржаўнага камітэта судовых экспертыз па Мінску.