У Мінск прыляцеў прэзідэнт Балівіі Эва Маралес
Афіцыйны візіт балівійскага лідара загадзя не анансаваўся.
Аляксандр Лукашэнка пры сустрэчы заявіў Маралесу, што ў адносінах з Балівіяй можа быць скарыстаны досвед беларуска-венесуэльскага супрацоўніцтва. Ён прапанаваў прэзідэнту Балівіі вызначыць 3-4 праекты для пашырэння двухбаковага ўзаемадзеяння, адзначае interfax.by.
Маралес і Лукашэнка згадвалі, што навязаць кантакт ім дапамог папярэдні кіраўнік Венесуэлы Уга Чавес. Развіццё супрацоўніцтва паміж Беларуссю і Балівіяй, сказаў Маралес, "будзе самай лепшай памяццю пра Уга Чавеса". Дарэчы, на пахаванні Чавеса ў Венесуэле 8 сакавіка абодва лідары і сустракаліся апошнім разам.
У праграме візіту балівійскага кіраўніка запланавана наведванне Мінскага трактарнага завода і МАЗа.
Фота — БЕЛТА
