У Маскве з "Матроскай цішыні" ўцёк зняволены — зрабіў дзірку ў столі (фота)
33-гадовы ўраджэнец Сочы Алег Тапалаў абвінавачваецца ў забойстве і незаконным абароце зброі. За кратамі ён знаходзіўся з восені 2011-га.
Як паведамляе РІА "Новости", зняволены зрабіў дзірку ў сваёй камеры і праз яе вылез на дах рэжымнага корпуса. Далей ён пераадолеў асноўнае агароджанне следчага ізалятара і ўцёк. Распачатая крымінальная справа па артыкуле "халатнасць".
Нагадаем, папярэднія ўцёкі ў "Матроскай цішыні" адбыліся ў чэрвені 1995 года. Тады збег "крымінальны аўтарытэт" Аляксандр Салонік.
Фота — ria.ru