У маскоўскім раёне Бірулёва зарэзалі ўраджэнца Узбекістана
Цела забітага мужчыны са шматлікімі нажавымі раненнямі знайшлі каля чыгуначных пуцей.
Іншыя падрабязнасці гэтага здарэння пакуль не паведамляюцца, інфармуе РІА "Новости". Вядома толькі, што цела знайшлі ў Бірулёва Усходнім, а масавыя беспарадкі адбыліся ў нядзелю ў Бірулёва Заходнім. Тады жыхары раёна выйшлі на "народны сход", яны патрабавалі зачыніць мясцовую базу гародніны, дзе працуе шмат мігрантаў, і зрабіць больш жорсткай міграцыйную палітыку. Таксама яны патрабавалі правядзення расследавання забойства мясцовага жыхара Ягора Шчарбакова. Адбыліся сутыкненні, былі затрыманыя амаль 400 чалавек.
Падазронага ў забойстве Шчарбакова затрымалі ўчора ў Каломне. На верталёце яго прывезлі ў Маскву. Сёння Архану Зейналаву могуць выставіць абвінавачанне.
Тым часам у Маскве працягваюцца акцыі рускіх нацыяналістаў. Учора былі затрыманыя, па розных звестках, ад некалькі дзясяткаў да некалькіх сотняў чалавек.
Фота — Fotolia
