У Луганск прарваўся "Тыгр" Жырыноўскага, у баевікоў ёсць і танк (відэа)

Браніраваны аўтамабіль "Тыгр" луганскім баевікам напярэдадні падараваў расійскі палітык Уладзімір Жырыноўскі. Учора ўвечары бронемашына прарвалася праз расійска-ўкраінскую мяжу на кантрольна-прапускным пункце "Ізварына". Яе прыкрывалі да 35 узброеных баевікоў. Пасля таго, як "Тыгр" патрапіў на тэрыторыю Украіны і з'ехаў (з прабітымі коламі), баевікі адыйшлі ад украінскай мяжы. Падарунак Жырыноўскага ўжо прыбыў у Луганск, паведамляе УНН.

Дарэчы, учора баевікі скралі з мемарыяльнага комплекса "Вострая магіла" танк Т-34, які быў у рабочым стане. Яго прыгналі ў Луганск і паставілі каля барыкад побач з будынкам абласнога СБУ ў Луганску, які заняты сепаратыстамі. Пакуль каля яго фатаграфуюцца ўсе жадаючыя, а заўтра на ім баевікі збіраюцца ездзіць па горадзе, адзначаючы Дзень Перамогі.

Фота з сацыяльных сетак і kp.ua