У Лідзе будуць судзіць жанчыну-"экстрасэнса"
Жанчына расказвала, як уплываюць на лёс тагасветныя сілы, нябачная энэргія, аўра, а потым "здымала сурокі" за грошы.
У Лідзе за махлярства збіраюцца судзіць 25-гадовую непрацуючую жанчыну. Яна хадзіла па кватэрах і называлася экстрасэнсам. Лідчанка прапаноўвала мясцовым жыхарам паслугі па "зняцці сурокаў" і г.д. Пры гэтым жанчына расказвала пра ўплыў на лёс тагасветных сіл, нябачную энэргію, аўру.
Да міліцыянтаў звярнулася адна з ахвяраў "экстрасэнса", перадае БЕЛТА. 52-гадовая лідчанка аддала зламысніцы 2,5 млн рублёў, 700 долараў і пяць залатых вырабаў. Пазней жанчына зразумела, што стала ахвярай махлярства.
Міліцыянты знайшлі і затрымалі падазроную. "Экстрасэнс" прызналася ў двух выпадках такога падману. Следчыя спрабуюць высветліць іншых пацярпелых.
Фота — dubrovno.by
