У Кіеве пацярпеламу ампутавалі кісць рукі, траім выдалілі вочныя яблыкі
Чацвёра чалавек, якія атрымалі траўмы падчас сутыкненняў уначы на вуліцы Грушэўскага, знаходзяцца ў цяжкім стане.
Як паведамляе УНІАН, у траіх чалавек, прывезеных у бальніцу, была кантузія вачэй і ім давялося ампутаваць вочныя яблыкі. Яшчэ аднаму пацярпеламу ампутавалі кісць рукі, якая моцна пацярпела падчас выбуху гранаты.
Вядома, што была параненая ў нагу стрэлам з траўматычнай зброі журналістка тэлеканала 1+1 Наталля Песня.
Агулам у лякарні патрапілі 42 чалавекі, якія пацярпелі ў сутыкненнях паміж дэманстрантамі і спецпадраздзяленнем "Беркут".
Чаму радыкалізаваўся Майдан? Хроніка падзей (фота, відэа)
Фота — unian.net
