У Горках абрынуўся дах прыватнага жылога дома

У Горках абрынуўся дах прыватнага жылога дома. Здарэнне адбылося ўдзень 29 студзеня. Як інфармуе прэс-служба МНС Магілёўскай вобласці, сям'я з чатырох чалавек, якая на той момант была ў будынку, не пацярпела. Гаспадыня, яе сын з сужыцельніцай і 4-гадовая ўнучка самастойна выйшлі з дома. Дарослыя часова будуць жыць у інтэрнаце ў пакоі сужыцельніцы сына гаспадыні, а ўнучку адправілі ў сацыяльна-педагагічны цэнтр у вёсцы Рудкоўшчына.

Прычына абвалу даху па ўсёй яго плошчы пакуль невядомая.

Больш важных і цікавых навінаў у праграме “Еўразум”