У Гомелі стралялі ў акно прыватнай фірмы
З пнеўматычнага пісталета. Зламыснікаў знайшлі з дапамогай службовага сабакі.
У Гомелі затрымалі дваіх 23-гадовых мясцовых жыхароў. Знаходзячыся на тэрыторыі гаражна-будаўнічага кааператыва, "з хуліганскіх памкненняў", яны стралялі з пнеўматычнага пісталета маркі Borner W300. У якасці мішэні зламысніка абралі акно будынка, у якім знаходзіцца офіс таварыства з дадатковай адказнасцю.
На месца здарэння прыехалі міліцыянеры. У пошуках "стралкоў" ім дапамог службовы сабака. Распачатая крымінальная справа па артыкуле "хуліганства", паведамляе БЕЛТА.
Фота: Мінск-навіны
