У Гомелі падлетак хадзіў па парэнчах моста і ўпаў у Сож

У Гомелі падлетак забаўляўся, хадзіў па парэнчах моста, не ўтрымаў раўнавагу і ўпаў у Сож. Як інфармуе сайт gomel.today, здарэнне адбылося ўдзень 7 траўня. На месца здарэння прыязджалі медыкі, ратавальнікі, міліцыянеры, супрацоўнікі Таварыства па ратаванні на водах. З ракі вадалаз дастаў хлопчыка вельмі хутка (не прайшло і трох хвілін) і перадаў яго рэанімацыйнай брыгадзе, якая павезла пацярпелага ў бальніцу. Ён знаходзіцца ў рэанімацыі. Відавочцы кажуць, што падлетку на выгляд 13-14 гадоў.