У Гарадку на мужчыну абрынулася цагляная сцяна (фота)
Здарэнне адбылося ў чацвер, 24 красавіка.
50-гадовы мужчына разбіраў аднапавярховы цагляны будынак, які належыць прыватнай асобе, на будматэрыялы. Як адзначае прэс-служба МНС, вышыня сцен дасягала 4 метраў. Падчас правядзення дэмантажу адна сцяна абрынулася і пахавала пад сабой мужчыну.
Калі выратавальнікі дасталі пацярпелага з-пад паўметровага пласту цэглы, ён яшчэ быў жывы. У той жа дзень мужчына ад атрыманых траўмаў памёр у мясцовай бальніцы.
Фота — mchs.gov.by
