У "Чарнобыльскім шляху" прымае ўдзел каля 400 чалавек
Асноўны лозунг акцыі — "Не — расійскай ядзернай пагрозе".
У Мінску праходзіць дазволены ўладамі "Чарнобыльскі шлях". У акцыі прымае ўдзел каля 400 чалавек.
Ад кінатэатра "Кастрычнік" удзельнікі шэсця накіраваліся да чарнобыльскай каплічкі каля плошчы Бангалор.
Як перадаюць карэспандэнты Еўрарадыё з месца падзеяў, удзельнікі акцыі не змаглі прыняць рэзалюцыю, бо арганізатары забыліся мегафоны. Прыкладны тэкст такі: “Не — расійскай ядзернай пагрозе! Не — вайне! Не — будаўніцтву Астравецкай АЭС! Не — асваенню чарнобыльскіх зямель і распаўсюджанню чарнобыльскага забруджання!”
