У Баварыі адбылося сутыкненне цягнікоў, ёсць загінулыя
У Баварыі раніцай 9 лютага, сутыкнуліся два пасажырскія цягнікі. У выніку некалькі вагонаў аднаго з пасажырскіх саставаў сышлі з рэек. Інцыдэнт адбыўся недалёка ад горада Бад Айблінг, што ў 60 км на паўднёвым усходзе ад Мюнхена.
Паводле паведамленняў паліцыі з месца аварыі, прынамсі 10 чалавек атрымалі цяжкія траўмы, 8 чалавек загінулі. Агульная колькасць пацярпелых можа дасягаць 150 чалавек.
У выратавальнай аперацыі на месцы катастрофы задзейнічаныя пажарныя, брыгады хуткай дапамогі і верталёты.
Паводле папярэдніх дадзеных, прычынай таго, што адбылося, магло стаць лабавое сутыкнення двух цягнікоў маркі Meridian на аднакалейным участку трасы. Пра гэта паведаміў інтэрнэт-выданню Rosenheim24 прадстаўнік паліцыі Юрген Тальмайер.
Фота: rosenheim24.de