Турэцкія пратэстоўцы абралі пінгвіна сваім сімвалам
Прычына ў тым, што мясцовыя тэлеканалы не паказваюць акцыі пратэсту. Замест іх дэманструюць фільмы пра жывёлаў і кулінарныя праграмы.
Пратэстоўцы ўпэўненыя, што на галоўных СМІ краіны дзейнічае жорстая самацэнзура, паведамляе newsru.com са спасылкай на заходнія СМІ.
"Уключаеш CNN International: там пратэсты, слезацечны газ, і паліцыянты збіваюць людзей. Затым пераключаеш на CNN Turkey — а там дакументальны фільм пра пінгвінаў. Каментары лішнія", — кажуць дэманстранты.
Пінгвін стаў сімвалам пратэстаў. Яго можна пабачыць на футболках і сцягах маніфестантаў, якія такім чынам пратэстуюць супраць замоўчвання.
Нагадаем, што прэм'ер-міністр Эрдаган заклікаў спыніць беспарадкі. Ён заявіў, што ўлады не адмовяцца да пабудовы бізнэс-цэнтра на месцы парка Гезі.
Фота — kinolife.tv
