Тэлеканал СТБ выдаліў інтэрв'ю Скардзіна са згадкай пра забарону "Спорт FM"
Алімпійская чэмпіёнка распавяла пра тое, што ёй і Аляксандры Герасімені не дазволілі стварыць радыёстанцыю.
Тэлеканал СТБ прыбраў словы былой біятланісткі, алімпійскай чэмпіёнцы Надзеі Скардзіна пра Адміністрацыю прэзідэнта, якая не дазволіла стварыць радыёстанцыю "Спорт FM". Гэты праект Скардзіна збіралася рэалізаваць разам з плыўчыхай, двухразовай віцэ-чэмпіёнкай Алімпіяды Аляксандрай Герасіменяй. Яны звярнуліся ў Міністэрства інфармацыі, дзе ім параілі звярнуцца ў Адміністрацыю "без іх адказу нічога не можа быць".
Чыноўнікі назвалі праект Скардзіны і Герасімені "немэтазгодным". Яны лічаць, што ў нашай краіне і так ужо шмат радыёстанцый.
Увечары ў нядзелю на сайце СТБ з'явіўся тэкставы варыянт інтэрв'ю Скардзіна. Словы пра "Спорт FM" раніцай у панядзелак зніклі, пасля прыбралі ўвесь тэкст. Спачатку відэаінтэрв'ю адрэдагавалі, а пасля зніклі і выпраўленыя варыянты.