"Тэлефонны мінёр" затэлефанаваў у міліцыю з уласнага мабільніка
Барысаўскія міліцыянты затрымалі тэлефоннага тэрарыста, які заявіў пра намер падарваць "Стары горад".
Мужчына затэлефанаваў у Барысаўскі РУУС з мабільнага тэлефона і заявіў, што збіраецца здзейсніць выбух. Супрацоўнікі крымінальнага вышуку выявілі, што тэлефанаваў 32-гадовы мясцовы жыхар, раней судзімы за крадзяжы.
Як паведамляе interfax.by, мужчыну затрымалі. Ён растлумачыў, што падчас тэлефанавання быў у стане алкагольнага ап'янення і не можа ўцямна растлумачыць прычыны свайго ўчынку.
На "тэлефоннага мінёра" пачалі крымінальную справу. Яму пагражае да 5 гадоў пазбаўлення волі. Падазраванага пасадзілі ў ізалятар часовага ўтрымання.
Фота — blogspot.com
