Сёлета Нацбанк Беларусі прадаў 75 кг золата
Агулам было рэалізавана больш за 7 тысяч зліткаў.
Нацыянальны банк Беларусі за першыя пяць месяцаў бягучага года прадаў 75 кг 400 г золата ў злітках. Агулам рэалізавалі 7618 зліткаў, самыя папулярныя ў беларусаў — 10-, 5- і 1-грамовыя.
БЕЛТА адзначае, што ў той жа час Нацбанк выкупіў 1550 залатых зліткаў.
Што да срэбра, дык яго прадалі больш за 37 кг, а купілі больш за 22 кг. Беларусы набылі плаціны 191 г, прадалі Нацбанку 454 г.
Фота: Fotolia, ria.ru