Сяргей Гурэнка будзе гуляць за каманду другой лігі чэмпіянату Беларусі
Прозвішча вядомага беларускага футбаліста з'явілася ў заяўцы мінскага клуба "Партызан".
Сяргею Гурэнку 41 год. Ён — колішні капітан нацыянальнай футбольнай зборнай Беларусі, чэмпіён Расіі ў складзе маскоўскага "Лакаматыва" і ўладальнік Кубка Іспаніі ў складзе "Рэала Сарагосы", інфармуе газета "Прессбол".
Нагадаем, галоўным трэнерам "Партызана" з'яўляецца яшчэ адзін вядомы ў мінулым беларускі футбаліст Андрэй Лаўрык. Чарговы сезон чэмпіянату Беларусі ў другой лізе стартуе 27 красавіка.
На здымку з архіву: Галоўны трэнер нацыянальнай зборнай Беларусі Анатоль Байдачны і капітан каманды Сяргей Гурэнка, 2005 г. Фота — bymedia.net