Стыхія на Брэстчыне: у чатырох раёнах пашкоджаныя каля 40 будынкаў
Штармавы вецер у панядзелак нарабіў шкоды ў Брэсцкай вобласці.
Паводле звестак МНС, наступствы стыхіі адчулі на сабе чатыры раёны — Пінскі, Івацэвіцкі, Лунінецкі і Баранавіцкі. Вецер вырываў з каранямі дрэвы, парушаў лініі электрасувязі. У Баранавічах пацярпелі дзве жанчыны, на якіх упалі газасілікатныя блокі. Агулам пашкоджаныя ў вобласці каля 40 будынкаў, большасць з іх — сельскагаспадарчага прызначэння, інфармуе БЕЛТА.
Паводле звестак Еўрарадыё, стыхія прайшлася і па некалькіх раёнах Гродзенскай вобласці (Зэльвенскі, Слонімскі, Дзятлаўскі), аднак звестак пра магчымыя наступствы пакуль няма.