Сталі вядомыя сапернікі футбольнай зборнай Беларусі ў Лізе нацый
Зборная Беларусі па футболе перажывае не лепшыя часы / abff.by
Сталі вядомыя сапернікі футбольнай зборнай Беларусі ў Лізе нацый. Гэта зборныя Люксембурга, Балгарыі і Паўночнай Ірландыі. Найбольш удала беларусы гулялі з Люксембургам — 6 перамог, 4 нічыі і 2 паражэнні. А вось Паўночнай Ірландыі прайгралі ўсе тры матчы. З балгарамі ёсць тры перамогі, але пяць паражэнняў.
Лёсаванне групавога этапу Лігі нацый прайшло 8 лютага ў Парыжы. Беларусь трапіла ў трэцюю групу Лігі С.
Стаў вядомы расклад матчаў:
5 верасня. Беларусь — Балгарыя
8 верасня. Люксембург — Беларусь
12 кастрычніка. Беларусь — Паўночная Ірландыя
15 кастрычніка. Беларусь — Люксембург
15 лістапада. Паўночная Ірландыя — Беларусь
18 лістапада. Балгарыя — Беларусь.
Пасля пачатку поўнамаштабнай агрэсіі Расіі супраць Украіны беларускі футбол трапіў пад санкцыі. У выніку зборная Беларусі праводзіць хатнія паядынкі на нейтральных палях за мяжой. Апошні раз нацыянальная зборная гуляла ў Беларусі ў лістападзе 2021 года.
