Сотні тысяч жыхароў Мінска вызвалілі ад аплаты за халодную ваду за чэрвень

Сотні тысяч жыхароў Мінска вызвалілі ад аплаты за халодную ваду за чэрвень

Сотні тысяч жыхароў Мінска вызвалілі ад аплаты за халодную ваду за чэрвень ("ад аплаты паслуг водазабеспячэння і водаадвядзення"). Маюцца на ўвазе тыя мінчукі, якія нядаўна мелі праблемы з-за няякаснай вады. Такое рашэнне 2 ліпеня прыняў Мінгарвыканкам. Як паведамляе тэлеграм-канал "Мінск. Афіцыйна", прадпрыемства "Мінскводаканал" "на працягу 3 працоўных дзён" падрыхтуе і накіруе ў разлікова-даведкавыя цэнтры спісы адрасоў, па якіх аплата налічвацца не будзе. Як вядома, гэта Фрунзенскі і Маскоўскі раён сталіцы, а таксама шэраг дамоў у некаторых іншых раёнах.

Атрымліваецца, што падагрэў вады давядзецца аплаціць.

Вада з непрыемным пахам у частцы сталіцы з'явілася раніцай 24 чэрвеня. Толькі на наступны дзень улады аб'явілі, што яе нельга піць. На вуліцах на працягу некалькіх дзён стаялі аўтацыстэрны з вадой, а каля іх — чэргі. Мінчукоў прасілі зліваць ваду з кранаў і абяцалі, што плаціць за яе не давядзецца. Забарона на выкарыстанне вады у Фрунзенскім і Маскоўскім раёнах была знята 27 чэрвеня. Следчыя высвятляюць абставіны з'яўлення няякаснай вады, распачатая крымінальная справа.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі