Склад беларускай футбольнай зборнай на матч з фінамі
Адборачны матч чэмпіянату свету сёння пройдзе ў Хельсінкі, пачатак — а 19-й гадзіне па беларускім часе.
Галоўны трэнер зборнай Беларусі Георгій Кандрацьеў агучыў стартавы склад нашай каманды: Верамко (капітан), Шытаў, Мартыновіч, Філіпенка, Бардачоў, Драгун, Кісляк, Балановіч, А. Глеб, Пуціла, Радзівонаў.
У запасе — Чэрнік, Трубіла, Сітко, Скавыш, Вераціла, Аляхновіч, Брэсан, Няхайчык, Паўлаў, Верхаўцоў, Гутар і Калачоў.
Жывую трансляцыю матча пакажа тэлеканал "Беларусь 2".
Нагадаем, у групе "І" лідыруе Іспанія — 11 ачкоў (пасля 5 матчаў), Францыя — 10 (5), Грузія — 4 (5), Беларусь — 3 (4), Фінляндыя — 2 (3).
Фота — Прессбол
