Скандал: Кубінскі бягун уцёк ад сваёй дэлегацыі ў Маскве
Арланда Артэга ў расійскай сталіцы браў удзел у чэмпіянаце свету па лёгкай атлетыцы.
Аднак кубінец спыніў барацьбу за медалі яшчэ на стадыі кваліфікацыі. Дарэчы, ён быў фіналістам лонданскай Алімпіяды 2012 года ў бегу на 110 метраў з бар'ерамі.
Як паведамляе РІА "Новости", Арланда Артэга здолеў збегчы ад дэлегацыі Кубы. Дзе ён цяпер знаходзіцца, невядома.
Федэрацыя лёгкай атлетыкі Кубы называе спартоўца-уцекача "здраднікам". "Такія паводзіны не маюць нічога агульнага з тымі прынцыпамі, якія натхняюць нас, — гаворыцца ў заяве. — Гэта непрыймальна, асабліва для тых людзей, хто ўпэўнены, што лаяльнасць да сваёй краіны з'яўляецца важным кампанентам у народным спорце".
Фота — AFP