Сіноптыкі: У пятніцу ўдзень у Беларусі чакаецца да 9 цяпла
Ападкі — мокры снег і дождж — прагназуюцца ўначы і раніцай на большай частцы тэрыторыі нашай краіны.
У дзённыя гадзіны ападкі магчымыя толькі на ўсходзе Беларусі. Вецер пераменных напрамкаў, 3-8 метраў за секунду.
У начныя гадзіны тэмпература паветра складзе ад 2 градусаў ніжэй за нуль да 3 цяпла, удзень — 2-7 градусаў вышэй за нуль, у Брэсцкай і Гродзенскай абласцях — да 9 цяпла.
Цёплае надвор'е захаваецца ў Беларусі і ў выхадныя дні.
Фота — БЕЛТА
