СБУ ў Данецкай вобласці ачоліў беларус
Валерыя Рудніцкага на гэтую пасаду прызначыў выконваючы абавязкі прэзідэнта Украіны Аляксандр Турчынаў.
Як паведамляе "Украінская праўда", Рудніцкі нарадзіўся ў 1962 годзе ў Мінску. Скончыў Арджанікідзаўскую вышэйшую вайскова-камандную вучэльню, служыў ва ўнутраных войсках. У чэрвені 2012 года быў прызначаны першым намеснікам начальніка Галоўнага ўпраўлення — камандуючага Унутранымі войскамі МУС Украіны.
Папярэднік Рудніцкага ў Данецкай вобласці — Валерый Іваноў — прапрацаваў крыху больш за месяц. За гэты час узброеныя сепаратысты ўзялі пад кантроль некалькі гарадоў у вобласці.