Савет ЕС ухваліў адмену квот на пастаўкі на свой рынак беларускага тэкстылю

Савет міністраў Еўрасаюза (Савет ЕС) ухваліў адмену квот на пастаўкі на свой рынак беларускага тэкстылю, інфармуе БЕЛТА. Гэтае рашэнне яшчэ не апублікаванае. У "Беллегпраме" адзначаюць, што ў дакуменце мусіць быць дата, калі будуць адмененыя квоты.

Раней гэтае рашэнне падтрымалі Еўрапарламент і Камітэт пастаянных прадстаўнікоў Еўрасаюза. Праўда, з агаворкай, што калі ў нашай краіне будуць парушаць правы чалавека, то квоты могуць вярнуць. Сістэма квот на пастаўкі прадукцыі беларускай лёгкай прамысловасці на рынак ЕС існавала з 1993 года.

Эксперты мяркуюць, што значнага павелічэння продажу беларускай прадукцыі на рынку ЕС чакаць не варта, паколькі там дамінуюць вытворцы з Азіі.