Жыхары дома, дзе адбыўся выбух, вернуцца ў свае кватэры ў красавіку
67 чалавек часова рассялілі ў гасцініцы Белдзяржцырка, а таксама ў доме для ветэранаў, састарэлых і інвалідаў № 1 па праспекце Ракасоўскага ў Мінску.
Нагадаем, выбух адбыўся ў жылым доме № 85 па вуліцы Пляханава 23 лютага. Загінулі два чалавекі.
Як паведамляе газета "Рэспубліка", у свае кватэры адселеныя могуць трапіць толькі ў суправаджэнні прадстаўнікоў жыллёва-камунальных службаў, прад'явіўшы пры гэтым пашпарт. Плануецца, што вярнуцца дахаты людзі змогуць толькі праз паўтара месяца.
