Журналістка Уладзіміру Пуціну: "Дзякуй, Вова" (відэа)
У чацвер расійскі прэзідэнт праводзіў вялікую прэс-канферэнцыю, на якой здарыўся непрыемны для Пуціна эпізод.
Журналістка з Далёкага Усходу Марыя Салаўенка спытала, што ён можа сказаць пра былога міністра абароны Анатоля Сердзюкова (яго адправілі ў адстаўку пасля скандалу з карупцыяй у Мінабароны Расіі) і як вярнуць "скрадзеныя мільярды". Пры гэтым Салаўенка нагадала, што менавіта Пуцін яго прызначаў.
На пуцінскае "Маша, сядай, калі ласка", яна адказала: "Дзякуй, Вова".
Было відавочна, што Пуцін збянтэжаны і раззлаваны.