Жонка Бяляцкага: у бабруйскай калоніі кажуць, што Алесь знаходзіцца ў іх
Наталля Пінчук сёння высвятляла, ці перавялі яе мужа ў іншую калонію, ці ён застаўся на месцы.
Нагадаем, у інтэрнэце з'явілася інфармацыя, што Святлана Мацкевіч даслала ў калонію Бяляцкаму віншавальную паштоўку, а адтуль адказалі: "Няма такога". А гэта можна было б разглядаць, як ускосную інфармацыю пра магчымы перавод палітвязня ў іншую калонію.
Вось што распавяла раніцай у чацвер Еўрарадыё Наталля Пінчук:
"Толькі што я пазваніла ў бабруйскую калонію. Мне адказалі наступным чынам: "Алесь знаходзіцца ў бабруйскай калоніі". Калі я перапыталася: "Вы мне можаце адказаць, ён у штрафным ізалятары ці дзе?", яны адказалі, што "больш інфармацыі мне прадаставіць не могуць".
Праваабаронца Алесь Бяляцкі адбывае тэрмін зняволення ў 4,5 гады, нібыта, за ўтойванне прыбыткаў. Яго вызвалення патрабуюць беларускія і міжнародныя праваабарончыя структуры, кіраўніцтва Еўрасаюза, ЗША і шэрагу іншых краінаў.
ААН патрабуе вызваліць Алеся Бяляцкага
Фота — bymedia.net
