Журналістаў Генадзя Барбарыча і Аляксандра Ярашэвіча будуць судзіць
Суд прызначаны на панядзелак.
Як паведамляе прэс-служба Беларускай асацыяцыі журналістаў, Барбарыч і Ярашэвіч былі схопленыя пасля заканчэння "Чарнобыльскага шляху". Пра прычыны затрымання нічога невядома.
Прыкладна у 00:20 журналістаў на вачох у калег вывелі з Савецкага РУУС, пасадзілі ў міліцэйскую машыну і накіравалі ў Цэнтр ізаляцыі правапарушальнікаў на вуліцы Акрэсціна, дзе яны прабудуць да суда.
Нагадаем, у пятніцу ў сталіцы затрымлівалі і грамадскіх актывістаў, і дваіх журналістак "Нашай нівы". Пазней іх адпусцілі.
Еўрарадыё вяло онлайн з акцыі.
На здымку Еўрарадыё адно з затрыманняў у Мінску, 26 красавіка 2013 г.