З Беларусі дэпартавалі сем замежных студэнтаў брэсцкіх ВНУ
Такую статыстыку за 2012 год на сустрэчы з замежнымі студэнтамі паведаміў начальнік брэсцкай абласной міліцыі Іван Саўчыц.
Як паведамляе прэс-служба міліцыі, сустрэча адбылася ў Брэсцкім дзяржуніверсітэце. Падчас сваёй прамовы Саўчыц заклікаў замежных грамадзян выконваць беларускія законы і ўлічваць нашы традыцыі і звычаі. Па словах міліцэйскага генерала, значная колькасць правапарушэнняў узнікае з-за непаважлівых адносін замежнікаў да беларускіх дзяўчын.
Дарэчы, на сёння у Брэсцкай вобласці навучаецца 929 замежных студэнтаў. Больш за 300 з іх атрымліваюць веды ў Брэсцкім дзяржаўным універсітэце.
Фота — beresta.by
