З 1991 году ў Беларусі расстралялі 400 чалавек
Такія дадзеныя прыводзіць міжнародная праваабарончая арганізацыя Amnesty International.
У Беларусі афіцыйна не публікуюцца статыстычныя дадзеныя пра колькасць вынесеных і прыведзеных у выкананне смяротных прысудаў. Хоць наша краіна як сябра АБСЕ абавязаная публікаваць гэтую інфармацыю поўнасцю, інфармуе “Радыё Свабода”.
Паводле апублікаваных дадзеных Дэпартамэнта выканання пакаранняў МУС, з 1998 па 2010 год было вынесена 102 смяротныя прысуды. У 2006-ым смерцю было пакарана 9 чалавек, у 2007-ым вядома пра аднаго пакаранага смерцю, а ў 2008 — пра трох расстраляных.
Нагадаем, што Беларусь застаецца адзінай краінай Еўропы, дзе прымяняецца смяротнае пакаранне.
