Віцебскі абласны суд пакінуў Сяргея Каваленку за кратамі
Сёння ў судзе разглядалася касацыйная скарга палітвязня на рашэнне Першамайскага райсуда.
Нагадаем, што Сяргею Каваленку прысудзілі 2 гады зняволення за парушэнне так званай "хатняй хіміі". Папярэдні прысуд ён атрымаў за ўзняты на навагодняй елцы Віцебска бел-чырвона-белы сцяг.
На знак пратэсту супраць прысуду, які ён лічыць несправядлівым, Каваленка пачаў ужо другую бестэрміновую галадоўку.
Як паведамляе Радыё "Свабода", у залу суда трапілі не ўсе ахвотныя. У прыватнасці, не пусцілі маці Сяргея Каваленкі, хаця бацька палітвязня прайшоў. Зала была запоўненая міліцыянтамі ў цывільным. Разгляд адбываўся ў адсутнасць самога Сяргея Каваленкі. Абласны суд падтрымаў папярэдні вырак.
Нагадаем, што сёння зранку затрымалі жонку Каваленкі Алену, яго стрыечнага брата, а таксама актывістку Алену Семенчукову. Яны рабілі на асфальце надпіс "Свабоду Сяргею Каваленку!"
Фота — svaboda.org