Віталя Рымашэўскага ў міліцыі прыкавалі кайданкамі да лавы
Затрыманы сустаршыня Беларускай хрысціянскай дэмакратыі знаходзіцца ў Фрунзенскім РАУСе Мінска.
Пра гэта Рымашэўскі паведаміў адказнаму сакратару БХД Дзянісу Садоўскаму, здолеўшы яшчэ раз ператэлефанаваць з РАЎСа. Ён знаходзіцца ў аддзеле крымінальнага вышуку Фрунзенскага РАУСа, але з ім ніхто не размаўляе і нічога не тлумачыць.
Палітык паведаміў таксама, што пасля затрымання жонка скінула яму смс: дахаты да іх ламіліся міліцыянты.
