Венгрыя прапануе ўсім жадаючым купіць яе грамадзянства
Яго аўтаматычна атрымае той, хто купіць дзяржаўныя аблігацыі на суму, не меншую за 250 тысяч еўра.
Як піша брытанскае выданне Daily Mail, такім чынам Венгрыя спрабуе вырашыць свае эканамічныя праблемы. Мяркуецца, што найбольш пакупнікоў знойдзецца ў Кітаі, бо гэта стане самым эфектыўным спосабам атрымаць права на жыхарства і працу ў Еўрасаюзе.
Нагадаем, Венгрыя на сённяшні дзень мае самую вялікую запазычанасць у Цэнтральнай Еўропе. Яе сума ацэньваецца ў мільярды еўра.
Фота — AFP