Украінскія памежнікі канфіскавалі ў беларуса 200 старадаўніх манет
Наш суайчыннік спрабаваў незаконна перавезці іх праз украінска-беларускую мяжу.
Як паведамляе сайт ua.for-ua.com, мужчына выязджаў з тэрыторыі Украіны праз пункт пропуску "Славуціч". У памежнікаў узнікла падазрэнне, што 36-гадовы кіроўца можа перавозіць забароненыя прадметы. Менавіта таму яго аўтамабіль вырашылі агледзець больш уважліва.
Падчас праверкі памежнікі з мытнікамі і знайшлі старадаўнія манеты канца XIX — пачатку ХХ стагоддзя. Знаходку адправілі на экспертызу, каб выявіць яе культурную каштоўнасць.
Фота — forumancientcoins.com