У ЗША адзначаюць 10-ю гадавіну тэрактаў 11 верасня
Жалобныя цырымоніі пройдуць у гэты дзень на месцы, дзе стаялі вежы-двайняты Сусветнага гандлёвага цэнтра, ля Пентагона, а таксама на полі ў Пенсільваніі.
Там упаў апошні з захопленых самалётаў. У Нью-Ёрку, як гэта адбываецца падчас штогадовых жалобных цырымоній, зачытаюць імёны ўсіх, хто загінуў у Сусветным гандлёвым цэнтры. А таксама тых, хто знаходзіўся самалётах. Усяго ў выніку тэрактаў 11 верасня 2001 года загінула каля трох тысяч чалавек.
У ЗША сёння будуць аб'яўленыя чатыры хвіліны маўчання — у моманты, калі роўна дзесяць гадоў таму самалёты сутыкаліся з будынкамі. Месцы падзеяў наведае прэзідэнт ЗША Барак Абама. Ён прыме ўдзел у адкрыцці мемарыяла, прысвечанага трагедыі 11 верасня 2011 года.
Разам з тым сёння ў ЗША ўведзеныя павышаныя меры бяспекі. Згодна з інфармацыяй спецслужбаў, тэрарысты рыхтуюць некалькі атак ў гадавіну падзей.
