У Варшаве збіраюць цацкі для дзяцей Сяргея Каваленкі
Цацкі для 7-гадовага сына Валянціна і 10-месячнай дачкі Вікі можна прынесці ў Беларускі дом ў Варшаве па адрасе ul. Wiejska, 13-3.
Ініцыятарам кампаніі выступіў еўрадэпутат Марэк Мігальскі, які з’яўляецца апекуном беларускага палітвязня. Акрамя таго цацкі можна пераслаць на адрас Бюро еўрадэпутата: ulica Warszawska 10, 40-006 Katowice.
Партнёры акцыі — Таварыства “Projekt Śląsk”, партал “Korespondent Wschodni” і Беларускі Дом у Варшаве.
Акцыя працягнецца да 1 чэрвеня — Міжнароднага дня дзяцей.
Нагадаем, актывіста КХП БНФ Сяргея Каваленку ў лютым прыгаварылі да 2 гадоў і 1 месяца калоніі за парушэнне ўмоваў адбыцця "хатняй хіміі". Папярэдні прысуд ён атрымаў за вывешванне бел-чырвона-белага сцяга на навагодняй ёлцы ў Віцебску.