У Варшаве Дзень незалежнасці Польшчы адзначыўся беспарадкамі
Як паведаміў у жывым эфіры Еўрарадыё назіральнік за акцыяй Марш незалежнасці Ігар Аскірка, раз’юшаныя дэманстранты спалілі машыну тэлеканала TVN.
Марш арганізавалі правыя рухі Польская моладзь і Нацыянальны радыкальны лагер. У акцыі прыняло ўдзел каля 5 тысяч чалавек. Спачатку акцыя праходзіла як санкцыянаваная, але пасля пачатку беспарадкаў паліцыя забараніла яе.
Удзельнікі маршу спярша сутыкнуліся з антыфашыстамі, а потым пачалася іх бойка з паліцыянтамі. Некалькі праваахоўнікаў атрымалі раненні. Маніфестанты таксама падпалілі аўтамабіль тэлеканала TVN, выгукваючы пры гэтым абразлівыя антысеміцкія лозунгі. Паліцыя вымушаная была ўжыць слезацечны газ і разагнаць удзельнікаў пры дапамозе вадамёта.
У Дзень незалежнасці Польшчы ў Варшаве праходзіць болей за 20 розных вулічных акцый. Марш правых нацыяналістаў — самая масавая з іх.
Фота:
