У Польшчы невядомыя сарвалі праваслаўны крыж
Увечары 8 снежня невядомыя вандалы напалі на праваслаўны скіт у вёсцы Адрынкі, што на Падляшшы.
Аб гэтым паведамляе Kurier Poranny. Падчас нападу быў сарваны крыж з уваходнай брамы, разбітыя вуллі, пашкоджаны провад для перадачы электраэнергіі.
Пасля выпадку мясцовыя жыхары арганізавалі кругласутачныя дзяжурствы каля скіту. Зараз паліцыя шукае вандалаў. Напады на праваслаўны скіт адбываліся і раней. Тады нішчыліся дзверы, выбіваліся вокны.