У Палескім універсітэце адкрылі фотавыставу, прысвечаную Надзеі Ермаковай
Як вядома, галоўная банкірша Беларусі скончыла Пінскі ўлікова-крэдытны тэхнікум, на базе якога і заснавалі Палескі дзяржаўны ўніверсітэт.
Сярод дзясятка фотаздымкаў на выставе можна ўбачыць копіі пасведчання аб васьмігадовай адукацыі, аўтабіяграфіі ды заявы на паступленне ў тэхнікум. Ёсць тут і дыплом Пінскага ўлікова-крэдытнага тэхнікума Ермаковай (у дзявоцтве Лупекінай).
Як можна даведацца з прадстаўленых дакументаў Надзея Ермакова скончыла Яснапалянскую васьмігодку на адны пяцёркі, там жа была сакратаркай камсамольскай “пярвічкі”. Бацька галоўнай банкіршы працаваў зваршчыкам, а маці паляводам у вёсцы Разальнава Магілёўскай вобласці.