У Беларусі разглядаюць магчымасць вяртання паслоў у Варшаву і Брусель
Пра гэта на брыфінгу ў чацвер заявіў прэс-сакратар МЗС нашай краіны Андрэй Савіных.
Паводле яго словаў, "дадзенае пытанне знаходзіцца ў стадыі разгляду". Пры гэтым ён не стаў каментаваць інфармацыю пра магчымае хуткае вяртанне амбасадараў краін ЕС у Мінск, паведамляе РІА "Новости".
Нагадаем, "дыпламатычная вайна" паміж Мінскам і Бруселем распачалася ў лютым. Улады Беларусі адказалі на пашырэнне санкцый з боку ЕС адкліканнем у Мінск для кансультацый пасла ў Польшчы і прадстаўніка ў ЕС. Адначасова МЗС Беларусі прапанаваў польскаму амбасадару і кіраўніцы прадстаўніцтва ЕС у Беларусі з'ехаць для кансультацый у свае сталіцы. Пасля гэтага краіны ЕС прынялі супольнае рашэнне адклікаць сваіх амбасадараў з беларускай сталіцы.
Фота — bymedia.net
