У Мінску гарэў рэстаран "Лідо" каля Камароўскага рынка (фота, відэа)
Пажар тушылі шэсць пажарных машын, на месцы знаходзіўся і пажарны кран.
Новы будынак рэстарана "Лідо" гарэў больш за паўгадзіны. Пажар здарыўся ў людным месцы, таму за яго тушэннем назіралі сотні відавочцаў.
"Прыкладны час узгарання ― 12.20, ― паведамляе Еўрарадыё прэс-сакратар МНС Віталь Навіцкі. ― Пасля ліквідацыі пажара будуць высвятляцца прычыны".
Інфармацыі наконт таго, ці пацярпеў нехта з людзей, пакуль няма.
Нагадаем, у кастрычніку 2011-га пажар здарыўся над рэстаранам "Лідо" на праспекце Незалежнасці ў сталіцы (фота).
Фота — tut.by
