У Мінску абстралялі турыстычны аўтобус (відэа)
Толькі па шчаслівай выпадковасці ніхто не пацярпеў: маці з дачкой, што сядзелі ля прабітага куляй шкла, выйшлі на пару хвілінаў раней ля станцыі метро.
Міліцыя: У аўтобус з турыстамі, хутчэй за ўсё, не стралялі
Здарэнне адбылося на Партызанскім праспекце сталіцы. Кіроўца аўтобуса Setra, што вяртаўся ў Мінск з Крыма, пачуў гучны воплеск і спыніўся. Падумаў, што праз спёку магла адбыцца паломка. Але знайшоў у шкле скразную адтуліну ад кулі.
Меркавана, злачынца карыстаўся пнеўматычнай зброй. Стралок пакуль што не знойдзены. Сталічная міліцыя праводзіць праверку інцыдэнта.