8170 BYR
10370 BYR
264 BYR
У гэты дзень па ўсім свеце праводзяцца акцыі па абароне правоў чалавека, супраць гвалту ў дачыненні людзей з іншай сэксуальнай арыентацыяй.
У міліцыю прымаюць на заробак, які ў тры разы большы, чым у школе
Карэспандэнт Еўрарадыё паспрабаваў уладкавацца ў органы унутраных спраў і яму прапанавалі працу інспектара ДПС.
02.09.2011 17:47
“Улічваючы тое, што ў вас пакуль ні выслугі, нічога не будзе, арыенціровачна вы будзеце атрымоўваць на сённяшні дзень мільён шэсцьсот, мільён семсот. З часам, калі выслуга будзе ісці, даюцца дадатковыя прэміі”, – барысаўскі райаддзел міліцыі з радасцю бярэ на працу выпускнікоў сярэднеспецыяльных і вышэйшых навучальных устаноў. Сярод патрабаванняў – ўзрост да 30 гадоў. Нават служба ў арміі не абавязковая. Толькі без дыплома аб юрыдычнай адукацыі працаваць можна на абмежаванай колькасці пасад.
“Альбо участковы інспектар міліцыі, ёсць інспектар ДПС. Але там трэба, каб у вас былі правы. На сённяшні дзень гэта ўсё. З вышэйшай адукацыяй яшчэ можна ў інспекцыю па справах непаўналетніх. Вось гэтыя дзве пасады, якія не патрабуюць адмысловай адукацыі. Толькі наяўнасць любой вышэйшай. Усё іншае ідзе ўжо з юрыдычнай, а калі АБЭП, то і эканамічнай. Раней і ў ДАІ трэба было з нечым, звязаным з аўтамабілебудаваннем, альбо тэхнічным, зараз дазволілі з любой вышэйшай”.
Адзінай перашкодай на шляху да кар’еры ў структурах міністэрства ўнутраных спраў з’яўляецца судзімасць: “Калі ў вас ёсць судзімасць, незалежна ад таго, пагашаная ці не, мы з вамі не зможам”.
Падобная сітуацыя ў сталічнай міліцыі. Вось толькі мінская ДПС ужо ўкамплектаваная.
“Вы можаце прэтэндаваць на пасаду участковага інспектара міліцыі. У крымінальны вышук вы не можаце пайсці, у следчыя вы таксама не можаце. На участковага. У ДАІ у нас ужо камплект. Можаце пайсці на міліцыянера-кіроўцу, альбо на міліцыянера-канваіра”, – расказваюць карэспандэнту Еўрарадыё ў Цэнтральным РУУС Мінска.
Суцяшае тое, што ў Мінску ўчастковыя міліцыянеры зарабляюць больш за іншых супрацоўнікаў міліцыі.
“Прыкладна магу вам сказаць – два мільёны. Участковы ў нас зарабляе больш за ўсіх. На паўтара мільёны адразу можаце разлічваць”.
Каб параўнаць заробкі маладых міліцыянераў з заробкамі маладых настаўнікаў, карэспандэнт Еўрарадыё адгукнуўся на прапанову адной з мінскіх школ. Там ёсць вакансія настаўніка матэматыкі. Зарабляе малады спецыяліст у тры разы менш, чым малады ўчастковы.
“У вас стажу няма, катэгорыі няма. Стаўка такога настаўніка 560 тысяч”.
Можна толькі здзіўляцца, чаму настаўнікі ўсе не збеглі ў міліцыю.
Па гэтай тэме таксама чытаюць:
- аудио
- текст
БОЛЬШ ПА ГЭТАЙ ТЭМЕ
- Логікі ў месцазнаходжанні аўтазака можна не бачыць, але яна ёсць
- Аспірант падаў у міліцыю на рэктара Інстытута фізіялогіі
- У Мінску затрымалі пяць удзельнікаў "арабскай вясны"?
- Вучыць замежныя мовы да чэмпіянату па хакеі будуць каля 100 міліцыянтаў
- Брэстаўчан караюць нават за метал, здадзены дзяржаве
- Мечыслаў Грыб: Не трэба звязваць колькасць злачынстваў з колькасцю міліцыі
- У Мінску згарэў міліцэйскі УАЗік і яшчэ тры аўто (фота)
Каментары
ну и что
Некаторыя дзівакі застаюцца працаваць у школе, бо яшчэ не згубілі надзею змяніць гэты свет да лепшага. Яны паступаюць у педВНУ па прызванню і лічаць, што несумленна здраджваць свайму прызначэнню.
Што думаеш? Выкажы сваё меркаванне