У Круглянскім раёне ўсталююць памятны знак рускаму генералу
Мемарыяльная шыльда з'явіцца да 200-х угодкаў пачатку вайны 1812 года.
Яе ўсталююць у г. п. Круглае на месцы, дзе 200 гадоў таму знаходзілася стаўка і лазарэт генерал-фельдмаршала Міхаіла Кутузава, галоўнакамандуючага рускай арміяй, якая ваявала супраць войска французскага імператара Напалеона. Цяпер гэта — тэрыторыя Свята-Троіцкага храма і цэнтра сацыяльнага абслугоўвання насельніцтва.
Магілёўскі гісторык Аляксандр Агееў лічыць, што стварэнне памятных знакаў з нагоды вайны 1812 года на Магілёўшчыне дазволіць распрацаваць новыя турыстычныя маршруты і прыцягнуць замежных турыстаў. Галоўнае, каб тэкст на памятных знаках быў нейтральнага зместу.
