У Глыбокім косяць нават зімой (фота)
Нягледзячы на маразы, у Глыбокім ідуць працы па падрыхтоўцы горада да Дня беларускага пісьменства. Яно, нагадаем, адбудзецца ў верасні.
Перад прыездам кіраўніка Віцебскай вобласці Аляксандра Косінца вакол возера Кагальнае, што ў цэнтры горада, была насыпаная дамба. Сёння ж работнікі ЖКГ касілі астраўкі чароту, што засталіся на возеры.
Відаць, вадаплаўным птушкам, якіх было шмат на возеры, увесну давядзецца шукаць іншае месца.