У Ганцавічах 6-гадовае дзіця ледзь не загінула ў яме з вадой
Хлопчык трапіў у яму з ледзяной вадой. Яе вымыла фантанам з трубы, якая ідзе да адной з крамаў райспажыўсаюза.
Хлопчык папрасіўся пагуляць з рыдлёўкай на вуліцы. Дзіця нават не заўважыла, як апынулася ў яме. Хлопчык клікаў людзей на дапамогу, але ніхто яго не пачуў. Урэшце яму ўдалося вылезці з метровай ямы самому і пагрукаць у дзверы.
Мясцовыя жыхары кажуць, што вада “фантаніруе” з гэтай трубы ўжо не першы год, а ўлады пакуль нічога так не зрабілі.