У брэсцкай “Кароне” ў "залатога" манекена скралі руку (фота)
Адміністрацыя крамы вагаецца: прыстаўляць "срэбраную" руку ці заявіць у міліцыю пра крадзеж.
Манекен гэтай рукой рабіў жэст запрашэння ў ювелірны шапік. Шапік знаходзіцца ўнутры гіпермаркета насупраць уваходу ў аддзел харчавання.
У адміністрацыі ад каментароў устрымліваюцца. Прадавачкі не хаваюць, што ў іх непрыемнасць. Яны прапаноўвалі адміністрацыі прыставіць пазалочанаму манекену белую руку ад звычайнага. Тыя “хутчэй не згодныя”.
Ахова гіпермаркета адсочвае галоўныя гандлёвыя плошчы, таму залаты манекен апынуўся на перыферыі іх увагі і страціў руку.